من شفاتك اه ياحلو الكلام الي تقول
تجمع احساس الهوا في كلمه تحكيها شفاتك
الحروف اتحب ثغرك نطقها منه ذهول
والنفس يفخر بمثلك لا طلع من وسط ذاتك
تنثرين العطرحولك وردفي كل الفصول
تجمعين احساس دنيا تكتمل بك من حلاتك
لاثنيتي رمش عينك ينثني لك كل طول
ولارميتي سهم شوفك ضاع من يحسب صفاتك
حلم دنيا يحضنك لانرفزك كيد الزعول
وجود رب ن اكرمك لاصار يرضيني سكاتك
حتى ورده تلمس ايدك يبتعد عنها الذبول
ينكسح مثل المعاند لا تدهور في شتاتك
صدق لمسه بس ايدينك زينتها بالوصول
كانت انعم من لمسها وبلورتها من غلاتك
انت يلي من غلاتك تنثرك دنياك لول
تزهر ادروب الاماكن لهمست فيها خطاتك
انت يلي عشت فيك احساس توله به عقول
لملم انفاس الخيال وعاش واقع في حياتك